لوبیے کا سلاد اور چنا چاٹ

لوبیے کا سلاد

معزز اور محترم قارئین،

لوبیا  قدرت کی ایک نعمت ہے اور  غذائی اعتبار سے اسکی اہمیت کسی سے ڈھکی چھپی نہیں۔  لیکن بڑے افسوس کی بات ہے کہ اتنی نایاب غذا بہت سے گھروں میں بنائی ہی نہیں جاتے۔ اس میں فائبر کی  وافر مقدار پائی جاتی ہے اسکے علاوہ یہ  پروٹین  کا بھی خزانہ ہے۔ لوبیے کی شکل پر غور کریں تو اسکی شکل گردے سے ملتی ہے۔  کیا آپ جانتے ہیں کہ  لوبیا گردے کی بیامریوں اور ورم کے لئے بھی مفید ہے؟  دیکھیں قدرت کیسے ہمیں نشانیاں اور اشارے دے کر سمجھاتی ہے۔ اخروٹ کی شکل دماغ سے ملتی ہے تو اخروٹ دماغ کو طاقت دیتا ہے۔ ٹماٹر اور انار سرخ رنگ کے ہیں تو خون بناتے ہیں۔ آم دل جیسا ہے تو دل کے لئے مفید ہے۔ اسی طرح لوبیا بھی بہت کام کی چیز ہے۔ جن لوگوں کو گوشت ہضم نہ ہوتا ہو  انکے لئے لوبیا، اور ہر قسم کے میدہ جات بہت مفید ہیں۔ لوبیا کا سالن بھی بنایا جا سکتا ہے اسکی پلاوٰ بھی بن سکتی ہے اور اسکی چاٹ تو بہت مزے دار بنتی ہے۔ اسی آرٹیکل میں آُپکو چنے کی چاٹ کی ترکیب بتاوں گی لوبیے کی چاٹ بھی آپ اسی طرح سے بنا سکتے ہیں۔ اگر آپکو لوبیا کی پلاوُ کا طریقہ جاننا ہوتو کمنٹ سیکشن میں فرمائش کر سکتے ہیں میں آُ پ کو بتا دوں گی۔

چلیں شروع کرتے ہیں ۔

اسکے لئے آپکو درکار ہیں۔

لوبیا۔۔۔۔۔۔۔۔۔۔۔۔۔۔۔۔۔۔۔۔۔ آدھا کلو

نمک۔۔۔۔۔۔۔۔۔۔۔۔۔۔۔۔۔۔  حسب ذائقہ

کالی مرچ پسی ہوئ۔۔۔۔۔۔۔۔۔۔۔ حسب ذائقہ

پودینہ۔۔۔۔۔۔۔۔۔۔۔۔۔۔۔۔۔۔۔۔ آدھا چمچ

دھنیا باریک کٹا ہوا۔۔۔۔۔۔۔۔ایک کھانےکا چمچ

ٹماٹر  کٹے ہوئے۔۔۔۔۔۔۔۔۔۔۔۔ د و عدد اورنج والے سخت

آلو  ابلے اور کٹے ہوئے۔۔۔۔۔۔۔۔۔۔۔۔۔۔۔۔۔۔ایک کپ

پیاز باریک کٹی ہوئی۔۔۔۔۔۔۔۔۔۔۔۔۔۔۔۔۔۔  حسب ذائقہ

زیتون کا تیل۔۔۔۔۔۔۔۔۔۔۔ دو کھانے کے چمچ

کھیرے باریک کٹے ہوئے۔۔۔۔۔۔۔۔۔دو عدد

باریک کُتری ہوئی لہسن۔۔۔۔۔۔۔ ایک چائے کا چمچ

سرکہ  یا لیموں کا رس۔۔۔۔۔۔۔۔۔۔۔۔۔۔۔۔ ایک کھانے کا چمچ

گاجر باریک کٹی ہوئی۔۔۔۔۔۔۔۔۔ایک کپ

شملہ مرچ باریک کٹی ہوئی۔۔۔۔۔۔۔ ایک  کپ

بند گوبھی ۔۔۔۔۔۔۔۔۔۔۔۔۔۔۔۔ ایک کپ

 

ترکیب

لوبیے کا سلاد  بنانے کے لئے

آدھا کلو لوبیا  اچھی طرح دھو کر رات کو بھگو کر رکھ دیں۔ رات کو نہ بھی بھگوئیں اسکو صرف چار سے پانچ گھنٹے درکار ہوتے ہیں۔ بھیگنے اور پھولنے کے لئے تو دن میں بھی رکھا جا سکتا ہے۔

بہتر ہوگا پانی میں تھوڑا سا نمک بھی ملا دیں۔

پھر اسکو ابال لیں

آلو بھی چوکور قتلوں کی صورت میں کاٹ کر نمک والے پانی میں ابال لیں۔

سبزیاں اگر آپکو سلاد میں چوکور قتلوں کی صورت پسند ہیں تو آُکی مرضی آپ انکو بڑے ٹکڑوں میں بھی کاٹ سکتے ہیں۔ مجھے یہ باریک کٹی پسند ہیں تو میں انکو آملیٹ کی طرح کاٹ رہی ہوں۔

سبزیاں کم زیادہ بھی ہو سکتی ہیں۔ کچھ لوگوں کو پیاز یا لہسن نہیں پسند تو آپ انہیں نکال سکتے ہیں۔ گاجریں زیادہ پسند ہیں تو زیادہ کر لیں اس میں کوئی زبردستی نہیں۔

اب جب لوبیا آپکا  ابل جائے تو  باریک کٹی ہوئی پیاز   اور باریک کتری ہوئی لہسن کسی کھلے منہ کے برتن میں بچھا لیں۔  اور گرم گرم لوبیا ان پیازوں اور  نکال لیں اور اچھی طرح مکس کر کے ٹھنڈا ہونے دیں۔

یہ اس لئے کیا کیونکہ پیاز  جب کچے منہ میں آتے ہیں تو بو پیدا کرتے ہیں۔ اس طرح پیازوں کی بو ایک مزیدار سی خوشبو میں بدل جاتی ہے۔ جب چاٹ بنائیں تب بھی ایسا ہی کریں۔

پھر سب سبزیاں اس میں شامل کر لیں اور نمک اور کالی مرچ بھی چھڑک دیں۔

سب سے آخر میں زیتون کا تیل اور لیموں  کا رس یا سرکہ چھڑک کر اچھی طرح مکس کر لیں۔

سجاوٹ کے لئے اوپر  پودینے کے  ثابت پتے پھول کی صورت میں رکھ چھوڑیں ۔

سلاد تیار ہے۔

جن لوگوں کے گردے میں پتھری ہو انکے لئے  زیتون کے تیل اور لیموں کے رس کا ملاپ بہت مفید ہوتا ہے۔

یہ سلاد آپکے جگر کی صفائی بھی کرتا ہے ۔ انٹرنیٹ پر آُکو ایسی بہت سی ترکیبیں ملیں گی۔ مگر اس میں لوگ کریم یا دہی کو شامل کر دیتے ہیں جس سے اس سلاد کا مقصد فوت ہوجاتا ہے۔ یہ سلاد اسی طرح کھانے کے لئے ہوتا ہے کیونکہ ہمارا مقصد اچھی صحت کا حصول  ہے۔

چناچاٹ

سفید چنے۔۔۔۔۔۔۔۔۔۔۔۔۔۔۔۔۔۔۔۔۔ آدھا کلو

نمک۔۔۔۔۔۔۔۔۔۔۔۔۔۔۔۔۔۔  حسب ذائقہ

کالی مرچ پسی ہوئ۔۔۔۔۔۔۔۔۔۔۔ حسب ذائقہ

پودینہ باریک کٹا ہوا ۔۔۔۔۔۔۔۔۔۔۔۔۔۔۔۔۔۔۔۔تھوڑا سا

دھنیا باریک کٹا ہوا۔۔۔۔۔۔۔۔ایک کھانےکا چمچ

ٹماٹر  کٹے ہوئے۔۔۔۔۔۔۔۔۔۔۔۔ د و عدد اورنج والے سخت

آلو  ابلے اور کٹے ہوئے۔۔۔۔۔۔۔۔۔۔۔۔۔۔۔۔۔۔دو کپ

پیاز باریک کٹی ہوئی۔۔۔۔۔۔۔۔۔۔۔۔۔۔۔۔۔۔  حسب ذائقہ

املی کا پانی۔۔۔۔۔۔۔۔۔۔۔ دو کھانے کے چمچ

کھیرے باریک کٹے ہوئے۔۔۔۔۔۔۔۔۔دو عدد

دہی۔۔۔۔۔۔۔ ایک کھانے کا چمچ

لیموں کا رس۔۔۔۔۔۔۔۔۔۔۔۔۔۔۔۔ ایک کھانے کا چمچ

چاٹ مصالحہ یا سرخ پسی ہوئی مرچ۔۔۔۔۔۔۔۔۔حسب ذائقہ

 چناچاٹ  بنانے کے لئے

آدھا کلو چنے  اچھی طرح دھو کر رات کو بھگو کر رکھ دیں۔ رات کو نہ بھی بھگوئیں اسکو صرف چار سے پانچ گھنٹے درکار ہوتے ہیں۔ بھیگنے اور پھولنے کے لئے تو دن میں بھی رکھا جا سکتا ہے۔

بہتر ہوگا پانی میں تھوڑا سا نمک بھی ملا دیں۔

پھر اسکو ابال لیں

آلو بھی چوکور قتلوں کی صورت میں کاٹ کر نمک والے پانی میں ابال لیں۔

اب جب  چنے ابل جائیں تو  باریک کٹی ہوئی پیاز   کسی کھلے منہ کے برتن میں بچھا لیں۔  اور گرم گرم چنے اور آلو ان پیازوں پرنکال لیں اور اچھی طرح مکس کر کے ٹھنڈا ہونے دیں۔

یہ اس لئے کیا کیونکہ پیاز  جب کچے منہ میں آتے ہیں تو بو پیدا کرتے ہیں۔ اس طرح پیازوں کی بو ایک مزیدار سی خوشبو میں بدل جاتی ہے۔ جب چاٹ بنائیں تب بھی ایسا ہی کریں۔

املی کے پانی میں چاٹ مصالحہ نمک وغیرہ مکس کر کے چٹنی سی بنا لیں

ایک چمچ دہی چنوں پر ڈال کر مکس کر دیں

پھر چاٹ مصالحے والی چٹنی کو بھی مکس کر دیں

آپ ُچاہیں تو املی کے ساتھ ایک چائے کا چمچ سفید بھنا زیرہ بھی پیس سکتی ہیں اس سے ذائقہ بہت اچھا آتا ہے۔

سب سے آخر میں ٹماٹر پودینہ اور دھنیا ڈال کر ہاتھوں کی مدد سے مکس کریں۔ اگر مرچوں سے الرجی ہے تو  چمچ استعمال کریں

سجاوٹ کے لئے اوپر  پودینے کے  ثابت پتے پھول کی صورت میں رکھ چھوڑیں ۔  اور کٹے ہوئے لیموں رکھ دیں

چاٹ تیار ہے۔