Beef Koftay / بیف کوفتے

 

بیف کوفتے

نمک۔۔۔۔۔۔۔۔۔۔۔۔۔۔۔۔۔۔  حسب ذائقہ

مرچ۔۔۔۔۔۔۔۔۔۔۔۔۔۔۔۔۔۔ حسب ذائقہ

سوکھا پسا ہوا دھنیا۔۔۔۔۔۔۔۔۔۔۔۔۔۔ آدھا چمچ

ہلدی ۔۔۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچ

جائفل ۔۔۔۔۔۔۔۔۔۔۔۔۔۔۔۔۔۔۔ ایک عدد پسا ہوا

گرم مصالحی ۔۔۔۔۔۔۔۔۔۔۔۔۔۔۔۔۔۔۔۔ دو چائے کے چمچ

قورمہ مصالحہ  ۔۔۔۔۔۔۔۔۔۔۔۔۔۔۔۔۔۔ کسی بھی برانڈ کا ایک پیکٹ

گھی یا تیل ۔۔۔۔۔۔۔۔۔۔۔۔۔۔۔۔۔۔ شوربے کی مناسبت سے

پیاز ۔۔۔۔۔۔۔۔۔۔۔۔۔۔۔۔ تین  سے چاربڑے

لہسن ادرک پیسٹ ۔۔۔۔۔۔۔ دو کھانے کے چمچ

ہری مرچ ۔۔۔۔۔۔۔۔۔۔۔۔۔۔۔۔۔ تین سے چار

ہرا دھنیا ۔۔۔۔۔۔۔۔۔۔۔۔۔۔۔۔۔۔۔۔ کٹا ہوا

پودینہ ۔۔۔۔۔۔۔۔۔۔۔۔۔۔۔۔۔۔۔۔۔ کٹا ہوا

ٹماٹر  ۔۔۔۔۔۔۔۔۔۔۔۔۔۔۔۔۔۔۔۔ تین بڑے

دہی ۔۔۔۔۔۔۔۔۔۔۔۔۔۔۔۔۔۔۔۔۔ ایک پیالی پھینٹی ہوئی

انڈہ ۔۔۔۔۔۔۔۔۔۔۔۔۔۔۔۔۔۔۔۔۔۔ ایک عدد

ترکیب

کوفتے بنانے کے لئے

بیف  کا قیمہ پیس لیں۔ اس میں نمک،  مرچ،  ہلدی، سوکھا دھنیا،  حسب ذائقہ  اورگرم مصالحہ ،پیاز  ہری مرچیں اور پودینہ کوٹ کر مکس کر دیں۔ اور انکے  گول گول کوفتے بنال لیں۔ کوفتے بناتے وقت  ہتھیلی پر ہلکا سا پانی لگاتی جائیں اور کوفتے ملائم اور ہموار ہونے تک ہتھیلیوں سے پر گھماتی جائیں۔

 

مصالحہ بنانے کے لئے

پیاز کو  کاٹ کر ابال لیں۔ جن لوگوں کو لہسن کی بو پسند نہیں وہ لہسن پیازوں کے ساتھ ہی ابال سکتے ہیں۔

پانی پھینک کر پیاز اور لہسن چھلنی کی مدد سے نتھار لیں۔ اور پھر  اسے بلینڈر میں تھوڑے سے صاف پانی کے ساتھ  ڈال دیں۔

بلینڈر میں ادرک  الگ سے ڈالیں۔

اگر لہسن کی کچی بو پسند ہے تو ادرک لہسن الگ سے ڈالنے کی ضرورت نہیں۔ ایسے ہی پیسٹ پیازوں میں شامل کر  دیں۔

اب اس میں  مرچ، نمک، سوکھا دھنیا ، ہلدی،  قورمہ مصالحہ   اورٹماٹر چولہے پر چڑھا دیں۔

کوفتے   پھینٹے ہوئے انڈے میں سے ڈبو کر  مصالحے میں ڈالتی جائیں، پھر اسکو پکنے دیں

جب پانی  آدھے سے بھی کم رہ جائے  تو اس میں تیل یا گھی شامل کر کے بھونیں۔

بھُنائی کے وقت  ہری مرچیں بھی شامل کر سکتے ہیں۔

اب اگر آُپکو شوربہ زیادہ پسند ہے تو اسکی مناسبت سے پانی ڈالیں۔

اگر شوربہ کم پسند ہے تو کم پانی ڈالیں۔

اور شوربے کو پکنے دیں۔

پھر   اس   میں   کٹی ہوئی ہری مرچیں اور کٹا ہوا ہرا دھنیا ڈال کر  بھونیں۔ پھر گرم مصالحہ مکس کر دیں   اور جائفل پیس کر بھی اس میں شامل کر دیں۔

پانچ منٹ بعد چولہا بند کر دیں اور روٹی یا نان کے ساتھ تناول فرمائیں۔