Mutton Paye / مٹن پائے

 

مٹن پائے

پائے چھلے اور کٹے ہوئے  اگر ان پر بال چپکے ہوئے ہوں  تو آٹے سے مل مل کر اچھی طرح صاف کر لیں اور پھر دھو لیں۔ بال سارا مزہ کرکرا کر دیتے ہیں۔ کوشش کریں کہ پایوں پر بال نہ چپکے ہوئے ہوں۔ اکثر لوگ پائے جلاتے ہیں۔ جلانے سے بہتر ہے انکی کھال اتروا کر کھر کاٹ دیں  اور انکے ٹکڑے کر لیں۔ اگر خاندان بڑا ہے تو نلی والی ہڈیاں جو ٹانگ کی ہوتی ہیں بھی پایوں کے ساتھ ڈالی جا سکتی ہیںِ   بکرے کے پایوں پر بال بہت زیادہ ہوتے ہیں تو انکو دھیان سے دھوئیے گا۔

نمک۔۔۔۔۔۔۔۔۔۔۔۔۔۔۔۔۔۔  حسب ذائقہ

مرچ۔۔۔۔۔۔۔۔۔۔۔۔۔۔۔۔۔۔ حسب ذائقہ

سوکھا پسا ہوا دھنیا۔۔۔۔۔۔۔۔۔۔۔۔۔۔ آدھا چمچ

ہلدی ۔۔۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچ

جائفل ۔۔۔۔۔۔۔۔۔۔۔۔۔۔۔۔۔۔۔ ایک عدد پسا ہوا

گرم مصالحی ۔۔۔۔۔۔۔۔۔۔۔۔۔۔۔۔۔۔۔۔ دو چائے کے چمچ

قورمہ مصالحہ  ۔۔۔۔۔۔۔۔۔۔۔۔۔۔۔۔۔۔ کسی بھی برانڈ کا ایک پیکٹ

گھی یا تیل ۔۔۔۔۔۔۔۔۔۔۔۔۔۔۔۔۔۔ شوربے کی مناسبت سے

پیاز ۔۔۔۔۔۔۔۔۔۔۔۔۔۔۔۔ تین  سے چاربڑے

لہسن ادرک پیسٹ ۔۔۔۔۔۔۔ دو کھانے کے چمچ

ہری مرچ ۔۔۔۔۔۔۔۔۔۔۔۔۔۔۔۔۔ تین سے چار

ہرا دھنیا ۔۔۔۔۔۔۔۔۔۔۔۔۔۔۔۔۔۔۔۔ کٹا ہوا

ٹماٹر  ۔۔۔۔۔۔۔۔۔۔۔۔۔۔۔۔۔۔۔۔ تین بڑے

دہی ۔۔۔۔۔۔۔۔۔۔۔۔۔۔۔۔۔۔۔۔۔ ایک پیالی پھینٹی ہوئی

ترکیب

پائے بنانے کے لئے

پائے   اگر قربانی کےاگلےدن پکانے ہیں تو  انکو   اور نلی والی ہڈیاں کسی بڑے دیگچے میں ڈال کر اس میں ایک جگ پانی اور ایک چمچ نمک  ڈال کر ابال لیں  ۔ پھر  اگر گودے والی ہڈیاں پسند ہیں تو رہنے دیں ورنہ  ہڈیوں پر سے پائے جیسا گوشت  اتار کر ہڈیاں نکال دیں۔ یا چھوٹی ہڈیاں رہنے دیں بڑی نکال دیں۔ کیونکہ اب اگلا مرحلہ انکو ککر میں ڈالنے کا ہے اگر  ککر چھوٹا ہے تو اسکی مناسبت سے ہڈیاں رکھیں۔

اگر دیگچے میں ہی پکانا ہے اور بڑی ہڈیاں نہیں نکالنی تو  وقت زیادہ لگے گا ۔ اور گوشت گلنے تک پکانا ہوگا۔

پھر اگر پایوں کی زیادہ چکنائی  نہیں پسند تو اس پانی کو ضائع کر دیں۔  ورنہ اسی پانی میں  مصالحے مکس کر دیں

کیونکہ ہم مٹن کے پائے بنا رہے ہیں تو  وہ چھوٹے ہوتے ہیں تو  ان کی ہڈیاں نکالنے کی ضرورت نہیں۔

مصالحہ بنانے کے لئے

پیاز کو  کاٹ کر ابال لیں۔ جن لوگوں کو لہسن کی بو پسند نہیں وہ لہسن پیازوں کے ساتھ ہی ابال سکتے ہیں۔

پانی پھینک کر پیاز اور لہسن چھلنی کی مدد سے نتھار لیں۔ اور پھر  اسے بلینڈر میں تھوڑے سے صاف پانی کے ساتھ  ڈال دیں۔

بلینڈر میں ادرک  الگ سے ڈالیں۔

اگر لہسن کی کچی بو پسند ہے تو ادرک لہسن الگ سے ڈالنے کی ضرورت نہیں۔ ایسے ہی پیسٹ پیازوں میں شامل کر  دیں۔

اب اس میں  مرچ، نمک، سوکھا دھنیا ، ہلدی،  قورمہ مصالحہ   اورٹماٹر ڈال کر  پایوں میں مکس کر دیں اور چولہے پر چڑھا دیں۔

اور گوشت گلنے تک پکائیں

جب پانی  آدھے سے بھی کم رہ جائے  تو اس میں تیل یا گھی شامل کر کے بھونیں۔

بھُنائی کے وقت  ہری مرچیں بھی شامل کر سکتے ہیں۔

اب اگر آُپکو شوربہ زیادہ پسند ہے تو اسکی مناسبت سے پانی ڈالیں۔

اگر شوربہ کم پسند ہے تو کم پانی ڈالیں۔

اور شوربے کو پکنے دیں۔

پھر   اس   میں   کٹی ہوئی ہری مرچیں اور کٹا ہوا ہرا دھنیا ڈال کر  بھونیں۔ پھر گرم مصالحہ مکس کر دیں   اور جائفل پیس کر بھی اس میں شامل کر دیں۔

پانچ منٹ بعد چولہا بند کر دیں اور روٹی یا نان کے ساتھ تناول فرمائیں۔