Chanay Ki Daal Ki Chanchian (چنے کی دال کی چنچیاں)

چنے کی دال کی چنچیاں

معزز اور محترم قارئین،

ایک زمانہ تھا جب بڑی بوڑھیاں گھروں میں ہی مصالحے پیستی اور مختلف اشیا جو     اب بازاروں میں دستیاب ہیں گھروں میں ہی بناتی تھیں مژال کے طور پر مربے، چٹنیاں، اچار اور بڑیاں۔

آُ پ نے بڑیوں کا ذکر تو سنا ہی ہوگا۔  بڑیاں بنانے کے عمل کو بڑیاں توڑنا کہا جاتا تھا۔   انکے بنانے کا عمل بہت ہی صبر آمیز ہوتا تھا بڑیاں مونگ  مسور یا چنے  کی دال کی بنائی جاتی ہیں۔  اسکے لئے دال کو دھو کر  ایک رات کے لئے  پانی میں بھگو کر رکھ دیا جاتا ہے۔ پھر اگلی صبح انکو سل یا قیمے والی مشین میں باریک پیس کر ان میں تھوڑی سی قصوری میتھی اور  نمک مرچ اور تھوڑا سا گرم مصالحہ ملا کر انکی گولیاں سی بنا کر سکھا دی جاتی ہیں۔ پھر انکو  ڈبے میں ڈال کر محفوظ کر لیا جاتا ہے۔

جب پکانے کا دل کیا تو  انکو پکانے سے پہلے ہلکا سا ابال کر  اور پھر فرائی کر کے آلو کا سالن بنا کر اس میں ڈال  دیا جاتا ہے۔

بڑیاں بازار سے بنی بنائی بھی ملتی ہیں لیکن اسکی گارنٹی نہیں ہوتی کہ صفائی سے بنائی گئی ہیں یا نہیں۔  انکو پکانے سے پہلے دھو لیں تو بہتر ہے۔  کیونکہ کچھ لوگ بڑیاں سکھاتے وقت ململ کے کپڑے سے نہیں ڈھانپتے تو ان پر مکھیاں بیٹھ کر بیماریاں پھیلاتی رہتی ہیں۔  آج جو ہم ڈش بنانے  جا رہے ہیں یہ چنے ،  دھلی ہوئی مونگ اور ماش کی دالوں سب سے بن سکتی ہے۔  لیکن چنے کی دال کی زیادہ مزیدار بنتی ہیں تو ہم چنے کی دال کی ہی بنائیں گے۔ انہیں  چنچیاں یا چنگچیاں کہا جاتا ہے۔ لیکن اکثر لوگ یہ بات نہیں جانتے کہ چنچیاں مونگ کی دال کی بنتی ہیں۔ مسوچیاں مسور کی دال کی جب کہ چنے کی دال سے جو بنتی ہیں انہیں کچھ لوگ چنگچیاں یا  چنچیاں کہتے ہیں۔ کیونکہ چنے کی دال کی خاصیت یہ ہے کہ فوری طور پر پسنے کے بعد خشک ہوجاتے ہے اور  اسکی بنی چنچیاں جہاں قوت بخش ہوتی ہیں اور پروٹین  اور منرلزسے بھرپور ہوتی ہیں   وہیں مزیدار بھی ہوتی ہیں۔  لیکن کچھ لوگوں کو چنے کی دال ہضم نہیں ہوتی تو وہ مونگ یا مسور کی دال کی بھی بنا سکتے ہیں۔ مسور کی دال کے بارے میں یہ بھی کہا جاتا ہے کہ جن لوگوں کو بلدڈ پریشر ہائی رہتا ہو وہ مسور کی دال میں تڑکا لگانے سے پہلے ایک کپ دودھ  شامل کر لیں تو یہ خون گاڑھا نہیں کرتی۔ چلیں باتیں تو بہت ہوگئیں اب بنانا شروع کر تے ہیں۔ آپ انہیں انسٹنٹ بڑیاں بھی کہہ سکتے ہیں۔   لیکن ہم اس ڈش کو بڑیوں کی طرح نہیں بنائیں گے۔ انکے بنانے کا اپنا ہی طریقہ ہے۔۔

انکے بنانے کا طریقہ بہت ہی  آسان ہے

چلیں شروع کرتے ہیں ۔

اسکے لئے آپکو درکار ہیں۔

چنے کی دال  ۔۔۔۔۔۔۔۔۔۔۔۔۔۔۔۔۔۔۔۔۔ آدھا کلو

نمک۔۔۔۔۔۔۔۔۔۔۔۔۔۔۔۔۔۔  حسب ذائقہ

مرچ۔۔۔۔۔۔۔۔۔۔۔۔۔۔۔۔۔۔ حسب ذائقہ

سوکھا پسا ہوا دھنیا۔۔۔۔۔۔۔۔۔۔۔۔۔۔ آدھا چمچ

سوکھی  قصوری  میتھی۔۔۔۔۔۔۔۔ایک چائے کا چمچ

پانی ۔۔۔۔۔۔۔۔۔۔۔۔۔۔۔۔۔۔۔۔۔۔ تھوڑا سا

مصالحہ بنانے کے لئے

گھی یا تیل ۔۔۔۔۔۔۔۔۔۔۔۔۔۔۔۔۔۔ایک کپ

نمک۔۔۔۔۔۔۔۔۔۔۔۔۔۔۔۔۔۔  حسب ذائقہ

مرچ۔۔۔۔۔۔۔۔۔۔۔۔۔۔۔۔۔۔ حسب ذائقہ

سوکھی  قصوری  میتھی۔۔۔۔۔۔دو کھانے کے چمچ

پیاز ۔۔۔۔۔۔۔۔۔۔۔۔۔۔۔۔ تین بڑے

لہسن ادرک پیسٹ ۔۔۔۔۔۔۔ ایک کھانے کا چمچ

ترکیب

چنچیاں بنانے کے لئے

آدھا کلو چنے کی دال کو رات کو دھو کر بھگو کر رکھ دیں۔

اگر آپ نے شام کو بنانی ہیں تو صبح کو بھگو کر رکھ دیں۔

پھر چنے کی دال کو پانی سے نکال کر دھو لیں تاکہ اس پر جو خمیر کی تہہ آجاتی ہے وہ بھی نکل جائے۔

اب دال کو سل، یا قیمے کی مشین میں  ڈال کر باریک پیس لیں۔ یاد رہے کہ اسکا پیسٹ نہیں بنانا ہے۔ سخت رکھنی ہے جیسے آُپ  روٹی بنانے کے لئے آٹا گوندھتے ہیں یا جیسے دال کا حلوہ ہوتا ہے۔

اسکے بعد اس پسی ہوئی دال میں نمک مرچ سوکھا پسا ہوا دھنیا، میتھی اور تھوڑا سا گرم مصالحہ مکس کر لیں۔ اور  کوفتے کی طرح گول

گول  بنا لیں۔

پھر کسی دیگچی میں  دو کپ پانی ڈال کر ابلنے کے لئے رکھ دیں۔

اس دیگچی کے منہ پر کوئی چھلنی یا چھلنی میسر نہ ہوتو ململ کا کپڑا کس کر باند ھ دیں۔

جب پانی سے بھاپ اٹھنے لگے تو  اس پر چنچیاں جو آُ پ نے کوفتوں کی طرح بنائی تھیں رکھ دیں اور ڈھانپ دیں۔

اور سخت ہوجانے تک پکائیں۔۔

جب سخت ہوجائیں اور رنگ بدلنے لگیں تو چولہا بند کر دیں اور چنچیاں کھلی ہوا میں رکھ دیں۔ اور مصالحہ تیار کر لیں

مصالحہ بنانے کے لئے

مصالحہ بنانے کے لئے  پیاز کو  کاٹ کر ابال لیں۔ جن لوگوں کو لہسن کی بو پسند نہیں وہ لہسن پیازوں کے ساتھ ہی ابال سکتے ہیں۔

پانی پھینک کر پیاز اور لہسن چھلنی کی مدد سے نتھار لیں۔ اور پھر  اسے بلینڈر میں تھوڑے سے صاف پانی کے ساتھ  ڈال دیں۔

بلینڈر میں ادرک  الگ سے ڈالیں۔

اگر لہسن کی کچی بو پسند ہے تو ادرک لہسن الگ سے ڈالنے کی ضرورت نہیں۔ ایسے ہی پیسٹ پیازوں میں شامل کر  دیں۔

اب اس میں  مرچ، نمک، سوکھا دھنیا شامل کر کے پیس لیں۔

اسے دیگچی میں ڈال کر پکائیں۔

جب پانی خشک ہونے لگے تو اس میں ایک کپ تیل یا گھی شامل کر کے بھونیں۔

بھُنائی کے وقت  ہری مرچیں بھی شامل کر سکتے ہیں۔

جب مصالحہ  دیگچی  کے پیندے میں لگنے لگے  اور تیل چھوڑنے لگے تب سوکھی ہوئی میتھی مسل کر شامل کر دیں اور تھوڑا سا گرم مصالحہ بھی شامل کر دیں۔

اب اگر آُپ کو شوربہ زیادہ پسند ہے تو اسکی مناسبت سے پانی ڈالیں۔

اگر شوربہ کم پسند ہے تو کم پانی ڈالیں۔

اور شوربے کو پکنے دیں۔

جب شوربے میں ابال آجائے تو  اس میں چنچیاں  شامل کر دیں اور ہلکی آنچ پر  پانچ منٹ پکائیں۔

چنچیاں   شوربہ پی جاتی ہیں۔  اور یہ ذرا خشک سی ہوتی ہیں تو شوربے کے ساتھ اچھی لگتی ہیں۔ مگر کچھ لوگوں کو گاڑھے مصالحے کے ساتھ پسند ہوتی ہیں۔ آپکی اپنی پسند ہے جیسے شوربہ رکھنا چاہیں رکھ لیں۔

پانچ منٹ بعد چولہا بند کر دیں اور مونگچیوں کا سالن پیالے میں نکال کر اوپر فرم مصالحہ اور ہرا دھنیا چھڑک کر روٹی یا نان کے 

ساتھ تناول فرمائیں۔